IKERLAN % 12,5 hazi da enpresekin egindako fakturazioan, eta 25 milioi euroko diru-sarrera errekorra lortu du
2021 urte konplexua izan zen ekonomiarentzat,
eta IKERLAN zentro teknologikoak “bikain” atera zuen aurrera: guztira 25 milioi euroko diru-sarrerak izan
zituen, eta transferentzia teknologikoaren arloko diru-sarrerak nabarmen
handitu ziren, % 12,5 hazi baitira 2020aren aldean, eta 12,4 milioi eurora
iritsi ziren transferentzia-jarduerengatik. Emaitza horien berri eman da
IKERLANen urteko batzarrean, gaur bertan aurrez aurre. Aurreko ekitaldiko
kontuak onartzeaz gain, zentroak Espezializazio Teknologikoko Plan berria
aurkeztu du. Asmo handiko ikerketa-plana da, eta 2025era arte 50 milioi euro
bildu nahi ditu gaitasun eta azpiegitura teknologiko berriak garatzeko.
Ion Etxeberria, erakundearen zuzendari nagusiaren
hitzetan, “2021 urte oso positiboa izan da; izan ere, pandemiak eragiten
jarraitu digun arren, emaitza bikaina lortu dugu fakturazio-errekorrarekin,
enpresetarako transferentziaren bultzadan oinarritutako hazkundea, nahiz eta
ikerketa-arloak ere portaera ona izan duen, Administrazioen babes sendoari eta
lehiaketa-deialdietan izandako arrakastari esker”. Etxeberriak nabarmendu du, halaber, taldea
sendotu egin dela, “17 bazkide berri sartu baitira”, eta ahalegin handia
egin dela “talentua enpresetan sartzeko eta enpresetara transferitzeko
helburuak betetzeko”.
Transferentzia
puntako sektoreetan
Guztira, 2021ean, IKERLANek 25 milioi euro
fakturatu zituen, 2020an baino % 4 gehiago; urte horretan 23,8 milioira iritsi
baitzen, pandemiaren aurreko urteetan lortutako zifrak gaindituz. Aurreko ekitaldiko
alderdirik azpimarragarrienetako bat izan zen 12,4 milioi euro lortu zirela
transferentzia-jarduerengatik – 2020an baino 1,5 milioi euro gehiago –puntako
eremuetan lanean ari diren enpresekin, hala nola zibersegurtasuna, adimen artifiziala, robotika
eta automatizazio industriala edo energia elektrikoaren biltegiratzea. Datu
horrek bere fakturazio orokorraren % 50 adierazten du, eta 2020arekin alderatuta,
% 12,5 igo da arlo hori.
Hauek izan dira zentroaren jarduera-sektore
nagusiak: garraioa eta mugikortasuna (% 32), fabrikazio aurreratua (% 26)
eta energia (% 17). ORONA, CAF, ULMA edo LAULAGUN bezalako bezero-zorro
garrantzitsua izan dute ingurune hurbilenean, baita multinazionalak ere, hala
nola General Electric, Airbus edo Nestlé. Urtean zehar, zentroak 140 enpresa
baino gehiagorekin egin du lan (horietatik % 50 ETEak) 400 proiektutan baino
gehiagotan.
Horrez gain, IKERLANek 12,4 milioi euroko
diru-sarrerak izan zituen Administrazioetatik, teknologia lortzeko eta
garatzeko jarduerak indartzen jarraitzeko, ondoren enpresei transferitzeko.
Diru-sarrera horien % 26,2 Eusko Jaurlaritzak bultzatutako programetatik etorri
zen, % 19,2 Europako erakundeek sustatutako ekimenetatik eta gainerako
finantziazioa, % 6, Estatuko Administrazio Orokorrak, Gipuzkoako Foru Aldundiak
eta MONDRAGON Korporazioak finantzatutako proiektuetatik.
Merkatu-unitatea
sortzea
IKERLANen urteko beste mugarri garrantzitsu
bat Merkatu Unitatea sortzea izan da. Unitate horren helburua da enpresei
teknologia transferentzia, start-up-ekin lankidetzan aritzea eta
bezeroei zerbitzua ematea. IKERLANen nortasun-ezaugarri eta bere misioa dira, MONDRAGON
Korporazioan 70eko hamarkadaren erdialdean sortu zenetik, teknologia
enpresetara transferitzea. Unitate hau sortzea beste urrats bat da ibilbide
honetan. Bezeroekiko
hurbiltasuna indartu nahi dugu, zerbitzurik onena eskaini nahi diegu, eta haien
erreferente teknologikoa izaten jarraitu nahi dugu, erronka teknologiko
nagusietan laguntzeko, adierazi du Ion Etxeberriak.
Start-up-en kasuan,
IKERLANek bere apustu teknologikoekin bat datozen ekimen berriak abian jartzen
parte hartu nahi du, eta lehendik dauden enpresekin lankidetzan aritu; hori da
zentro teknologikoaren eta MULTIVERSE COMPUTING enpresaren arteko aliantzaren kasua. Enpresa hori garrantzi
berezia hartzen ari da konputazio kuantikoaren esparruan, eta IKERLANekin
elkarlanean ari da teknologia hori industria-eremura eramateko.
Asmo handiko ikerketa-plana
Bestalde, 2021ean, IKERLANek Espezializazio
Teknologikoko Plan berria (ETP2025) definitu du. Asmo handiko ikerketa-plana,
2025era arte 50 milioi euro lortu nahi dituena gaitasun eta azpiegitura teknologiko
berriak garatzeko. Planaren helburu nagusia da zentroak abangoardia
zientifiko-teknologikoan duen posizioa finkatzea bere espezializazio-arloetan.
Horretarako, espezializazio-arloetan jarriko du arreta, dagoeneko aintzatespen
eta posizionamendu garrantzitsua duten arloetan, hala nola digitalizazioan,
automatizazioan edo energia-kudeaketan.
“Testuinguru horretan, udazkenean,
Teknologia Digitalen Laborategi aurreratua inauguratuko dugu, AZPITEK
proiektuaren barruan, eta 200 m2 inguru izango ditu. Laborategi
honetan zibersegurtasunaren, 5G komunikazioen, adimen artifizialaren eta
automatizazioaren eta robotikaren arloko ikerketa- eta
transferentzia-proiektuak garatuko ditugu, eta teknologia horiek guztiek
zentroaren eta gurekin lankidetzan aritzen diren enpresen
lehiakortasun-posizioa hobetuko dute neurri handi batean” adierazi du Ion
Etxeberriak.
IKERLANi buruz
IKERLAN zentro aitzindaria da
teknologia-transferentzian eta lehiakortasun-balioak industriari egiten dion
ekarpenean. Soluzio integralak eskaintzen ditu bi arlo nagusitan arlo
teknologiko desberdinak konbinatuz: Elektronika, Informazio eta Komunikazio
Teknologiak (EIKT), eta Energia eta Mekatronika. Gaur egun, 380 lagunek osatzen
dute zentro teknologikoko lantaldea. MONDRAGON Korporazioko eta Basque Research and Technology Allianceko
(BRTA) kooperatiba kide den aldetik, IKERLANek enpresa-eredu jasangarria,
lehiakorra eta etengabe aldatzen ari den alde egiten du. IKERLANek egiaztagiri
hauek ditu gaur egun: ISO 9001:2015 Kalitatearen Kudeaketa Sistema, UNE
16600:2014 I+G+B Kudeatzeko Sistema eta ISO 27001:2013 Informazioaren
Segurtasuna Kudeatzeko Sistema. Horrek adierazten du zentroaren bikaintasuna
aintzatesten dela I+G+b arloan.
Webgune honek cookieak erabiltzen ditu ahalik eta erabiltzaile-esperientziarik onena eskaini ahal izateko. Cookieei buruzko informazioa zure nabigatzailean gordetzen da, eta gure webgunera itzultzen zarenean zeure burua ezagutzeko edo gure ekipoari webguneko zein atal aurkitzen dituzun interesgarrienak eta erabilgarrienak ulertzen laguntzeko funtzioak betetzen ditu.
Teknikoak, erabiltzaileari bertan dauden aukera edo zerbitzuak erabiltzeko aukera ematen diotenak, hala nola datuen trafikoa eta komunikazioa kontrolatzea, saioa identifikatzea, sarbide mugatuko zatietara sartzea. Horiez gain, hemen sartzen dira editoreak, hala badagokio, editatutako edukia edo iragarkiak erakusteko maiztasuna bezalako irizpideetan oinarrituta sartu dituen publizitate tarteak ahalik eta modu eraginkorrenean kudeatzeko aukera ematen dutenak ere.
Funtzionalak, aldiz, webgune batek dagoeneko sartutako informazioa gordetzeko aukera ematen dutenak (hala nola erabiltzaile izena, hizkuntza edo egungo kokapena), eta erabiltzaileari ezaugarri hobetuak eta pertsonalizatuagoak eskaintzen dizkiotenak.
Si desactivas esta cookie no podremos guardar tus preferencias. Esto significa que cada vez que visites esta web tendrás que activar o desactivar las cookies de nuevo.
Analisi eta publizitatezko cookieak
Analisi cookieak erabiltzaileen portaeraren jarraipena eta azterketa egiteko aukera ematen dutenak dira.
Publizitatezko cookieak, aldiz, publizitate espazioak ahalik eta modurik eraginkorrenean kudeatzeko aukera ematen dutenak dira. Erabiltzaileen portaerari buruzko informazioa biltegiratzen dute, nabigazio ohiturak etengabe behatuta. Horri esker, profil espezifiko bat gara daiteke publizitatea erakusteko.
¡Por favor, activa primero las cookies estrictamente necesarias para que podamos guardar tus preferencias!