MU Changemaker Lab izeneko programa bat jarri du martxan, fakultate guztietako ikasleen artean diziplinarteko taldeen ekintzailetza sustatzeko asmoz.
Programa
lau hilabetean gauzatuko da. Aurkezpena gaur egin da, Oñatin, eta Madrilen
amaituko da, ekainean. 20 ikaslek hartuko dute parte proiektuan. ‘Change maker’
izena izango dute (aldaketaren sustatzaileak, alegia), eta euren helburua
izango da ekintzaile taldeak garatzea eta bilakatzea sustatzea, enpresen
sorkuntza bultzatze aldera.
Ekimena
MTA (Mondragon Team Academy) metodologian dago oinarrituta; hots, Mondragon
Unibertsitatearen ekintzailetzarako nazioarteko sarean. Eta prestakuntza
prozesu berritzaile bat proposatzen du, honako hauetan oinarrituta: ikasleak
–change maker–, aholkulari edo entrenatzaileak –dagoeneko ez dira irakasleak–,
diziplinarteko guneak –ez gelak– eta erronka errealak –ez materialak–. KIMU
BERRIk babesten du programa, eta GAZTENPRESAK sustatu.
Ekintzailetza
da hainbat herrialdetako erakundeen zein eragile ekonomiko eta sozialen
lehentasunetako bat. Beraz, gizarte maila guztietan eta bizitza etapa denetan
ekintzailetzaren kultura sustatzea helburu komun bihurtu da, bai eta garapen
ekonomikorako, aberastasunerako eta gizartearen garapenerako motor ere. Mondragon Unibertsitateak urte asko daramatza
ekintzailetzaren arloan lanean, eta Euskal Herriko unibertsitate lider bihurtu
da prestakuntza programei eta ekintzaileak trebatu eta sustatzeko bestelako
ekimenei dagokienez, graduko zein graduondoko tituluen bitartez, eta ikasleen
artean espiritu ekintzailea txertatzera eta giza kapital ekintzailearen
gaitasuna indartzera bideratutako ekintzailetza programen bitartez.
Eusko
Jaurlaritzak Euskadiko 2020 Erakundearteko Ekintzailetza Plana onartu du
berriki, pertsona ekintzaileak eta enpresa txikiak babesteko asmoz, eta
lehentasunak planifikatu eta finkatzeko helburuarekin, zerikusia duten euskal
eragile guztiek ekintzailetza txerta dezaten euren lehentasunen artean eta
daukaten ekintzailetza gaitasuna indartu dezaten.
Hala, Euskadiko ekintzailetzari buruzko azken datuen arabera, beheranzko joera sumatzen da, eta lurraldean sortu diren enpresen kopuruak ere ez du gora egiten: Espainiako datuetatik oso beherako bilakaera izan du (Espainian, %1,1eko hazkundea; Euskadin, berriz, %0,2koa).
Change Makers Lab
Ekimenak
bi funtsezko ezaugarri ditu: batetik, diziplinartekotasuna, hainbat
diziplinatako parte hartzaileak dituelako; eta, bestetik, multilokalizazioa,
zeinari esker Mondragon Unibertsitateko fakultateak euren artean lotu
daitezkeen.
Programak
sei modulu ditu. ‘Bootcamps’ formatuan egingo dira; alegia, egun bateko edo
egun eta erdiko tailer trinkoetan. Bertan, teoria eta jarduerak partekatuko
dituzte gaian adituak direnek, proiektuetan aplikatu ahal izateko. Gainera,
aldez aurretik lan bat egin beharko da modulu bakoitzerako: erronkak
gainditzea, irakurtzea, ikertzea edo taldeko lana egitea… Parte hartzaileek
proiektu errealen gainean egingo dute lan, trailer trinkoetan (bootcamps),
enpresetan bisitak egingo dituzte, ekimenetan parte hartu, etab.
KIMU BERRI berrikuntza sozialeko egitasmo bat da, lankidetza publiko-pribatuko eredu baten bidez sustatua, Debagoieneko eskualdean gazteen ekintzailetza bultzatzeko helburuarekin, domeinu teknologikoetan eta egungo gazteriaren soziologiaren berezko merkatuan oinarritutako ikuspegi bereziarekin.