LKS KREAN eta ISEA berrikuntzarako diru laguntza jaso duen LIFE 2018 nazioarteko partzuergoko kide dira. Diru laguntza Europar Batzordeak Life Ecosens Aquamonitrix proiekturako emandakoa da, eta helburua, berriz, ekipamendu bat produktu industrial gisa garatzea.
Tamaina txikiko gailu bat da, uraren
kalitatea neurtzeko parametroen laginak hartu eta aztertzeko gaitasuna duena,
batez ere nutrienteak eta Uraren Esparru Zuzentarauan jasota dauden eta
interesgarriak diren beste batzuk. Bere aplikazioaren xedea
izango dira ibaien kalitatea monitorizatzea, hondar urak tratatzeko
instalaziotako prozesua kontrolatzea, isurketen kalitatea kontrolatzea, aurrez
azpiegiturarik jarri beharrik gabe, ikuskapenik egin gabe eta datuak denbora
errealean eskuratuz.
Partzuergoko liderra Tellab irlandar enpresa da, eta bertan parte hartzen
dute Kemira finlandiarrak, Lisboako Universidade Novak, Murtziako Universidad
Católica San Antoniok (UCAM) eta LKS KREANek eta ISEAk. Era berean, zenbait administraziok ere
laguntzaile gisa hartzen dute parte proiektuan, horien artean egonik Bilbao Ur
Partzuergoa, Añarbeko urak eta AMVISA, eta euren instalazioak jarriko dituzte
probak egiteko.
Proiektuak 900.000 € inguruko diru laguntza lortu du. Proiektuaren iraupena 2 urte eta 9 hilabetekoa da, eta LKS KREANen eta ISEAren ardura izango da Diseinuaren zehaztapen teknikoak idaztea eta prototipoen probak landan egitea. Lan horiek ia bi urtetan zehar egingo dira eta beste egiteko batzuk ere izango dira, hala nola Negozio Plan bat garatzea, produktua barreiatzeko ekintzak, etab.