MONDRAGON Venturesek webgune berritua jarri du martxan, Sustapen Zentroa izatetik Corporate Venture Capital eta berrikuntza irekiko plataforma izatera egindako bilakaera erakusten duen espazio berritu gisa.

Webguneak irudi bisualagoa eta dinamikoagoa aurkezten du, zeinean MONDRAGON Ventures zer den, zer eskaintzen duen, zer helburu dituen eta nola lan egiten duen modu ulergarrian kontatzen baitu. Gainera, lantaldea erabiltzaileari aurkezten zaio, taldea osatzen duten pertsonak hobeto ezagutzera ematea helburu.

“Webgune berrituak irudi bisualagoa eta dinamikoagoa aurkezten du, MONDRAGON Ventures zer den modu ulergarrian kontatuz”

Berrikuntza nagusien artean, besteak beste, azpimarratzekoa da kooperatibek ikusgarritasun nabarmenagoa dutela, sektoreka antolatuta. Gainera, partaide diren enpresen eta MONDRAGONeko kooperatiben gaitasunetatik sortutako proiektuen portfolioa ere badago, intereseko arloen arabera iragaztea ahalbidetzen duena.

Webguneak, gainera, aktualitate-atala, LinkedIn eta newsletterrerako sarbide zuzena, eta “Bidali zure proiektua” inprimakia jasotzen ditu, MONDRAGONekin lankidetzan aritu nahi duten oinarri teknologikoko startupei zuzendua.