Zer da Vite Marketing?
Vite Marketing 360 agentzia digital bat da, gure bezeroen erronka digitalak hazteko aukera bihurtzen espezializatua. Gure esentzia ez dago erabiltzen ditugun tresnetan, diseinatzen ditugun soluzioetan baizik. Bezero bakoitzak bere erronka duela ulertzen dugu, eta gure ikuspegia oztopo horiek gainditzeko bide bakar bat entzutean, ulertzean eta marraztean oinarritzen da.
Imajinatu enpresa batek bere webguneak ez duela bere benetako funtsa islatzen sentitzen duela, edo ez dela bere xede-publikoarekin konektatzen ari sare sozialetan. Guretzat, hau ez da arazo tekniko bat bakarrik: konektatzeko, hazteko eta lideratzeko aukera bat da. Vite Marketing-en, estrategia integral bat hainbat tresnarekin konbinatzen dugu, hala nola SEOrekin, Sare Sozialekin edo online publizitatearekin, baina betiere giza ikuspegi batekin. Izan ere, digitalak izan arren, badakigu negozio bakoitzaren atzean istorioak eta ametsak dituzten eta egia bihurtu nahi duten pertsonak daudela.
Garaia Parke Teknologikora iristea ez da kasualitatea. Sendo sinesten dugu Debagoienaren potentzialean eta bakarra egiten duen enpresa-ehunean. Hemen kokatzeak, batzeko, integratzeko eta eskualdearen eraldaketa digitalean aktiboki parte hartzeko konpromisoa adierazten du.

Esperientzia errealik kontatuko al diguzu?
Noski, gure lan egiteko modua islatzen duten bi kasu partekatuko ditut.
Lehenengoa industriarako piezak fabrikatzen dituen enpresa baten kasua da, eta guregana jo zuen, produktu berritzailea eta kalitatezkoa izan arren, bere presentzia digitala ez zegoelako maila berean. Bere webgunea estatikoa zen, bilatzaileetan aurkitzeko zaila, eta ez zuen bere balio-proposamena komunkatzen. Azterketa sakon baten ondoren, estrategia oso bat garatu genuen: web orri berri bat diseinatu genuen ikuspegi bisualago eta teknikoago batekin, markaren kontaketa eta komunikazioa landu genituen, bere SEOa optimizatu genuen bilaketa garrantzitsuetan ager zedin eta LinkedInerako estrategia eta kanpaina bat sortu genuen, enpresa handietako erosketen arduradunekin zuzenean konektatzeko aukera eman zuena. Emaitza kontaktu kualifikatuen gehikuntza nabarmena izan da eta, garrantzitsuena, salmentena.
Bigarren kasua tokiko zerbitzu-enpresa batena da, lehiakideen aurrean garrantzia galtzen ari zela sentitzen zuena. Sare sozialetan bere presentzia funtsik gabea zela eta bere komunitatearekin benetako loturarik ez zuela identifikatu genuen. Benetako eduki-plan bat sortzen genuen, gertukoa eta enpresaren esperientzia eta balioak nabarmentzera bideratua. Aldi berean, tokiko SEOa landu eta publizitate geolokalizatuko kanpaina bat diseinatu genuen, ikusgarritasuna handitzeaz gain, bezero berrien etengabeko fluxua ere eragin zuena. Gaur egun, enpresa, berriz ere, tokiko sektoreko erreferentea da, eta tokiko komunitatearekin duen lotura indartu du.
Adibide horiek ez dute bakarrik erakusten zer egiten dugun, baizik eta nola egiten dugun: hurbiltasunez, estrategiaz eta beti bezero bakoitzaren benetako beharretara egokituz.

Zein erronka dituzue aurretik?
Mundu digitala etengabe eboluzionatzen ari den ekosistema da, eta horrek erronka bikoitza dakar. Alde batetik, abangoardian egon behar dugu beti, adimen artifiziala bezalako aurrerapenak integratuz, enpresek bezeroekin elkarreragiteko eta prozesuak optimizatzeko duten modua iraultzen ari baita. Bestetik, funtsezkoa da oreka bat mantentzea: marketin-estrategia ororen bihotza izaten jarraitzen duena giza faktorea begi bistatik galdu gabe berritzea.
Lekuan lekuko, gure erronka Debagoieneko enpresa-sarean sartzea da. Dagoeneko inguruko bezero batzuekin lan egiten dugun arren, badakigu sendotutako komunitate batean sartzen ari garela, urteetan zehar ezarritako konfiantzazko harremanekin. Leku bat irabazteak gure balio diferentzila erakustea dakar: ez gara agentzia bat gehiago, ikuspegi estrategikoa eta inplementazio integrala uztartzen dituen taldea gara, edozein erronka digital konpontzeko gai dena.
Garaia Parke Teknologikoan gure presentzia integrazio hori lortzeko urrats estrategikoa da. Hornitzaile ez ezik, eskualdeko enpresentzako bide-lagun ere izan nahi dugu, harreman pertsonalen eta emaitza ukigarrien bidez konfiantza sortuz.

Nola egiten duzue lan?
Gure prozesua bezeroari entzuten hasten da beti. Bezero bakoitza bakarra da, eta bere arazoa neurrira egindako estrategia bat diseinatzeko abiapuntua da.
Bezeroaren taldeko kide bagina bezala lan egiten dugu. Lehenik, egoera aztertu eta helburuak ulertzen ditugu. Gero, tresna digital egokienak konbinatzen dituen plan bat taxutzen dugu, betiere ikuspegi estrategiko global batekin lerrokatuta. Azkenik, iterazio-prozesu bat gauzatzen dugu, ekintza bakoitzak inpaktu neurgarri bat duela ziurtatuz.
Gainera, giza harremanak azpimarratzen ditugu. Gure taldea ez da soilik tresna digitaletan aditua; bezeroen beharrak soluzio eraginkor bihurtzen, ulertzen eta konektatzen dakiten pertsonek ere osatzen dute. Izan ere, egunaren amaieran, arrakasta ez da metriketan bakarrik neurtzen, gurekin lan egiten dutenen konfiantzan eta gogobetetzean baizik.

Zein da zuen helburua Garaia Parke Teknologikoan?
Eraldaketa digitalerako bidean eskualdeko enpresentzat aliatu estrategiko bihurtzea da gure asmoa Garaian. Badakigu Debagoiena industria indartsua eta berrikuntzaren aldeko apustua egiten duen enpresa-sarea duen eremua dela. Bilakaera horren parte izan nahi dugu, batu, eman eta laguntzen duen bazkidea.
Hemen kokatzeko gure erabakia estrategia argi bati erantzuten dio: gertu egotea, integratzea eta tokiko beharrak hobeto ulertzea. Garaia Parke Teknologikoak lankidetza-gune gisa duen potentzialean sinesten dugu, non beste enpresa batzuekin batera ikasi, ekarpenak egin eta hazteko aukera dugun.
Digitaletik haratago, giza faktoreak mugitzen gaitu. Harremanak eraiki nahi ditugu, ez bakarrik kontratuak. Eta ziur gaude elkarrekin gidatu dezakegula etorkizun konektatuago, berritzaileago eta guztiontzako arrakastatsuago baterako aldaketa.