I+G+b zentroetatik enpresei teknologia transferitzeko garatzen ari diren zibersegurtasunaren arloko erronkak eta konponbideak izan ziren  apirilaren amaieran ospatutako “Igo EGIDA Foroa. Segurtasunaren etorkizuna Industria 4.0n ” ekitaldiaren ardatzak.

Ekitaldia Fidesolek antolatu zuen, EGIDA bikaintasun sarea osatzen duten lau I+G zentroetako batek. Duela urtebete sortu zen EGIDA Cervera Programaren barruan, Garapen Teknologiko Industrialerako Zentroaren (CDTI) zentro teknologikoetarako. Sarean Gradiantek eta BRTAko, Basque Research and Technology Alliance-eko, Ikerlan eta Vicomtech zentroek ere parte hartu zuten.

Adimen artifiziala, big data, algoritmoak eta sistemen eta gailuen interkonektibitatea garatzea dira enpresa-ehunaren erronka handietako batzuk, premiazkoa bezain beharrezkoa den birmoldaketa-prozesu batean, Covid-19k eragindako pandemiaren ondorioz agerian geratu den bezala.

EGIDAk lau helburu ditu: kriptografia aplikatuko teknologiak, informazio konfidentziala, nortasun digitala, iruzurra prebenitzeko pribatutasuna, teknika disruptiboen segurtasuna eta IoT (Gauzen Internet), Adimen Artifiziala edo Blockchain bezalako teknologiekin erabiltzea, eraso zibernetikoen aurrean konfiantza areagotzeko informazio-sistema seguruak garatzeko.

“Igo EGIDA Foroa. Segurtasunaren etorkizuna Industria 4.0n” online garatu da eta, besteak beste, hartu dute parte: RAUL Orduna Vicomtech-eko Segurtasun Digital eta Zibersegurtasuneko zuzendaria eta Rosa Iglesias Ikerlaneko zibersegurtasun arloko ikertzailea hartu dute parte. Ordunak nabarmendu zituen “machine learning tekniken bidez identifikazio biometrikoan lortutako hobekuntzak, bai eta identitatea ordeztearen eta pribatutasuna zaintzearen aurkako babesean egindako aurrerapenak ere. “

Rosa Iglesiasek, berriz, honako hau adierazi zuen: “Ikerlanen aurrera egin dugu atal desberdinetan sistema zibersegurua garatzeko beharrezkoak diren prozesuak edo zereginak zehazten, ideia sortzen denetik agintari eskudun batek egiaztatzen duen arte. Horrek guztiak aukera ematen digu enpresei zibersegurtasun-prozedurak definitzen eta osagaiak edo sistemak garatzeko eta ebaluatzeko jardueretan laguntzeko, bai eta produktua ziurtatzeko prozesu bati ekiteko beharrezkoak diren ebidentziak sortzeko ere “.

CDTIren ildo estrategikoak

Javier Ponce Martínez-ek, CDTIko zuzendariak ere parte hartu du foroan, eta aurreratu du Cervera Programaren hurrengo deialdiak ETEen eta bikaintasun-sareen arteko ekosistemak sortzea izango duela ardatz, ikertzen eta garatzen ari den teknologiaren transferentzia errazteko, EGIDA gisa, “Industriaren eta enpresa-sarearen benetako beharrei erantzuten dien teknologia”. “Europako berreraikuntza funtsen finantziazio osagarriarekin indartuko da deialdia, eta proiektu horiek garatzen dituzten enpresetan doktoreak kontratatzea aurreikusten da”.

Ekitaldian parte hartu zuten, halaber, Oscar Cordón Granadako Unibertsitateko Inteligentzia Artifizialeko katedradunak, Pedro García Teodoro ETSIITko zuzendari eta Granadako Unibertsitateko Ingeniaritza Telematikoko katedradunak eta Luis Marquez Axesorreko Azpiegituren arduradunak, EGIDAren ikerketen hartzaile nagusia den enpresa-sarearen ordezkari gisa.