SmartCompo enpresak eskeintzen duen konpostaje intentsiboko sistema aparteko irtenbide gisa aurkezten da kalitatezko konposta ekoizteko, egituratzaile beharrik gabe eta espazio eta denbora murriztuan.

Ekonomia Zirkularrerako hondakin eta lurzoru kutsatuei buruzko apirilaren 8ko 7/2022 Legearen iritsierak agerian utzi du biohondakinak bezelako baliabide baliotsuak aprobetxatzeko premia handia, hauen gaikako bilketa bultzatuz, ondoren balioztatu eta lurzorura itzultzeko.

Konpostajea Legeak proposatutako lehentasunezko balorizazio-bideetako bat da, betiere Europako Parlamentuaren eta Kontseiluaren 2019ko ekainaren 5eko 2019/1009 (EB) Erregelamenduan ezarritako baldintza zorrotzak betetzen badira. Honek erronka handia suposatzen du konpostajerako teknologientzat.

Desafio horri erantzun asmoz, SmartCompok, konpostaje intentsiboko erreaktoreen banatzailea den einean, 2019/1009 (EB) Erregelamenduan deskribatutako prozesuko baldinztak betetzen dituen teknologia eskaintzen du.

Bere formatu bertikalari eta diseinu berritzaileari esker, hartzidura aerobioaren prozesua (hau da, konpostajea) garatzeko baldintza aproposak eskaintzen ditu, nitrogenoaren atxikipen altuari eutsiz eta kalitatezko konposta sortuz, egituratzailerik gehitu beharrik gabe eta espazio eta denbora murriztuan.

Japoniar jatorria duen teknologia horren 45 urtetik gorako ibilbideak eta martxan dauden 3.500 instalaziok baino gehiagok, COMPO makinen arrakasta bermatzen dute, mota guztietako hondakin organikoak tratatzeko: biohondakinak, simaurra, oilo-zirina, lohiak, etab.; betiere ekonomia zirkularraren eta ingurumenarekiko errespetuaren alde eginez.