Apirilaren 27tik – 29ra SHERC proiektuaren baitan energia berriztagarrien inguruan nazioarteko adituak jasoko ditu PTGaraiak.

Datorren apirilaren 27tik 29ra hiru eguneko jardunaldiek hartuko dute Arrasate: SHREC Arrasate “Shifting towards Renewable Energy for Transition to Low Carbon Energy”. Nazioarteko eta bertako adituen hitzaldi eta tailerrak zein egitasmo/praktika on berritzaileak aurkeztuko dira PTGaraian.

Interreg Europe ekimenaren barruan kokatzen da, eta, xedea da, energia berriztagarrien ekoizpen eta kontsumoa sustatzea, tokiko politikak hobetzea, energia berriztagarri zein teknologia berrietan enpresen inbertsioa sustatzea eta kontsumitzaileen inplikazioa handitzea, besteak beste.

SHREC proiektua, 2019ko udan abiatu zena, Interreg Europe proiektu bat izanik, proiektuko kide bakoitzak bere herrialdean gauzatutako praktika onak identifikatu ditu, eta, taldekideekin partekatu. Arrasateko jardunaldiak hori du helburu. Datozen hilabeteetan Tokiko ekintza plana jarriko da abian SHREC kideen praktika onen mamia oinarri hartuta.

Arrasaterekin batera dira kideak: Hanze University of Applied Sciences: Herbehereak (Liderra), Slovak innovation and energy agency: Eslovakia, Vilnius Gediminas Technical University: Lituania, Piamonte Region: Italia, Auvergne Rhône-Alpes Energy Environment Agency (AURA-EE): Frantzia, Mid Sweden University: Suedia, eta South Muntenia Regional Development Agency: Errumania.

Era berean, ikasketa prozesuan bidelagun izateko Arrasateko Udalak bertako eragileen taldea osatu zuen proiektua aberasteko asmoz. Taldea osatzen dute, Arrasateko Udalarekin batera, Debagoiena 2030, Debagoieneko Mankomunitatea, Fagor Taldea, Goiener, H-enea Living Lab, Ikerlan eta Mondragon Unibertsitatea.

Guztira 60 lagunetik gora batuko dira Garaia Parke Teknologikoan, horietatik erdia baino gehiago Europako hainbat lurraldeetatik etorritakoak. 2  mahai inguru publikoari irekiak antolatu dira, eta proiektuko kideek hainbat aurkezpen eta bisitetan hartuko dute parte hiru egunetan zehar.

3 egun, saioz beteta

Lehen egunean, apirilak 27, gurean daukagun gobernantza ereduan zentratutako jardunaldia izango da; Udal ordezkariekin batera Gipuzkoako Foru Aldundiko eta Energiaren Euskal Erakundeko ordezkariak egongo dira eta helburua izango da azaltzea bakoitzak bere eskumenen baitan energiaren lanketa nola bideratzen duten.

Bigarren egunean, hilak 28, birgaitze, energia jasangarri eta bogan dagoen “Energia komunitateen” gaia jorratuko da eta horietara gonbidatu dira: LKS Krean, Goiener eta Eako Udala.

Hirugarren egunean, apirilak 29, azpiegitura energetikoen berri izango dute Partnerrek.

Aukera egongo da PTGaraiara bertaratzeko zein Streaming bidez parte hartzeko. Kasu bietan ezinbestekoa da aurrez izena ematea. 

Izena eman behar da apirilaren 22a baino lehen web orri honen bitartez.