Nondik dator SATOP proiektuaren ideia?
SATOP proiektua (Fabrikazio gehigarriko barne-zola podologikoak, pazientearen biomekanikara eta oinetakoetara egokitzeko diseinatuak) Mondragon Unibertsitateko plastikoen eta konpositeen ikerketa-lerroak egindako ikerketa zientifiko batetik sortu zen. Hasiera batean, txirrindularitzako zapatilen zolak aztertu ziren, eta, ondoren, ikuspegia handitu egin zen, Louise Desirée Florindo ikaslearen “Enpresa Berrikuntza eta Proiektu Zuzendaritza” master amaierako lanaren zati gisa. Lanean kirol oinetakoentzako zola trukagarrien diseinuan zentratu zena. Mondragon Unibertsitateko ekintzailetza-taldearekin eta Saiolanekin lankidetzan egindako merkatu-ebaluazio baten ondoren, kontzeptuak osasunaren arloan inpaktu handiagoa izango zuela erabaki zen, txantiloi ortopodologikoekin duen antzekotasunagatik.

Zer da SATOP?
SATOP ikerketa- eta garapen-proiektu bat da, eta 3D inprimaketaren bidez zola ortopodolologiko pertsonalizatuak sortzea du helburu. Zola horiek biomekanikara eta pazienteen behar espezifikoetara eta oinetakoen ezaugarrietara egokitzeko diseinatuta daude. 3D modelatze automatizatuko teknologia erabiliz, proiektuak produktu paregabea garatzen du pazientearen ebaluaziotik hasi eta fabrikaziora arte, material aurreratuak eta Mondragon Unibertsitateko mekanika industrialeko laborategiko taldeak garatutako teknikak erabiliz.
SATOP proiektuak berrikuntzak dakartza teknologia aurreratuan eta softwarean, Mondragon Unibertsitateko plastikoen eta konpositeen ikerketa-taldearen ikerketa-garapenak buru dituela. Lan hau nazioarteko bazkideen lankidetzarekin osatzen da, hala nola Txileko Soleit enpresaren laguntzarekin eta Espainiako Podologiako Kontseilu Nagusiaren parte-hartzearekin. Kontseiluak mediku podologoen esperientzia ematen du, azken produktuak osasun- eta funtzionaltasun-estandarrak betetzen dituela ziurtatzeko.
Lankidetza-esparru horren barruan, Bask enpresak ere parte hartzen du. 3D inprimaketan espezializatua dago eta Asier Pozo Ekoteknologietako ingeniaria buru du, Mondragon Unibertsitateko kide ere badena. Bask-ek konponbide jasangarriekin eta prototipoaren garapena aberasten duten teknologia berritzaileekin laguntzen dio proiektuari.
Ahalegin bateratu horrek materialetan, 3D modelatze-teknologian eta inprimatze-teknika aurreratuetan berrikuntza konbinatzen du, pazientearen eta Europako merkatuaren beharretara egokitutako produktu optimoa diseinatzeko.
SATOPen helburua da herritarrek osasun ortopodologikoaren arloan dituzten beharrak asetzea eta Euskal Autonomia Erkidegoko eta Espainiako ekosistema industriala indartzea. Proiektua, hasiera batean kirol arlora bideratua zegoen arren, eboluzionatu egin du. Osasun arloan irtenbide pertsonalizatuak eta eraginkorrak eskaintzeko, hainbat behar espezifiko dituen biztanleriari arreta emanez.

Nolakoa izan da ideiatik proiekturako trantsizioaren prozesua?
Ideiatik proiektu oso baterako trantsizioa prozesu zorrotza izan da. Ikerketa zientifikoa, merkatu-analisia eta birdiseinu estrategikoa barne hartu dituena. Hasiera batean, kirol-sektorerako produktu gisa sortu zen, eta osasun orokorrerako irtenbide baterantz eboluzionatu du. Horretarako, diseinua eta berrikuntza kudeatzeko eredua egokitu behar izan dira.

Zein puntutan zaudete eta zein dira etorkizuneko planak?
Gaur egun, Soleit nazioarteko bazkidearen softwarearen bertsio berriaren diseinua garatzen ari gara, Espainiako merkatuaren beharretara egokituta. Proba- eta esperimentazio-fasean dagoen prototipo bat dugu, bai diseinuan, bai materialetan, osasunaren esparruan aplikatzeko. Etorkizuneko planek aliantza estrategikoen hedapena eta nazioko eta nazioarteko merkatuetan sartzea barne hartzen dute, herritarren behar ortopodologikoei lehentasuna emanez eta 3D inprimaketaren bidez fabrikatutako produktuen berrikuntzara bideratuz.

Nolakoa izaten ari da GARAIA Investors ekimeneko edizioetan parte hartzeko esperientzia?
Esperientzia aberasgarria izan da, inbertsore eta proiektuaren hazkunderako funtsezkoak diren mentoreen sarerako sarbidea eskainiz. GARAIA Investors-ek plataforma bat eskaini digu gure ideiak baliozkotzeko, feedback eraikitzailea jasotzeko eta gure balio-proposamena indartzeko.

Zertan lagundu dizue GARAIA Investors-ek?
Ekintzailetzara bideratutako sari eta lehiaketetan parte hartu dugu, baita talentua erakartzean eta proiektuaren eredua garatzeko finantza-laguntzan ere. Horren barruan sartzen da merkatuko aukerak identifikatzea eta kontaktu estrategikoak erraztea. Gainera, azterketa- eta prospekzio-fasea prestatzeko orientazioa eman digute, merkaturatzea buruan edukita.

Zertan lagun diezaieke beste start-up batzuei? Eta inbertsoreei?
GARAIA Investors-ek ideiak balioztatzen, kontaktu-sareak sortzen eta negozio-estrategiak fintzen laguntzen du. Era berean, inbertsoreei inpaktu- eta itzulera-ahalmen handia duten proiektu berritzaileetarako sarbidea ematen die.