GARAIA Parke Teknologikoak eta PTS Granadak formatu hibridoko bigarren enpresa-topaketa batean parte hartu dute, GARAIA Topagune Teknologikoa izenekoan. Bi parke horiek Espainiako Teknologia Parkeen Elkarteko zenbait parkeren artean egiten duten senidetze-urtea aprobetxatuz garatzen duten jardueretako bat da.

Topaketan, bi Parke Teknologikoetako enpresez gain, bi komunitateetako enpresak ere izan dira hizlari: Hector Olabegogeaskoetxea, MONDRAGON Healtheko zuzendaria; Iker Ruiz, TE Connectivitykoa; Unai Ayala, MUko Ingeniaritza Biomedikoko gradukoa; Juan David Rejón, Andaluziako Osasun Sistema Publikoko Biobankukoa; Rafael Artacho, Unit4koa eta María Ros, AI Granada Research Fundaziokoa.

Erakundeen arteko senidetzearen helburua da berrikuntza-ereduei buruzko elkar ezagutza zabaltzea, lan-modalitate berriei eta kudeaketa-ereduei buruzko ikaskuntza, eta bi enpresa-ekosistema horietako enpresen artean lankidetza- eta garapen-aukerak sortzea, lankidetza-sare sendo bat eraikiz.

Ildo horretan, bi parkeek enpresa parte-hartzaileen arteko ezagutza eta lotura erraztu dute, jardunbide egokiak trukatzeko eta lankidetza-aukerak aztertzeko prest.