Maiatzaren 12an PTGARAIAk, Kantabriako Parke Teknologikoko ordezkaritzaren bisita jaso zuen, Raul Huerta zuzendaria buru duena.

Bisitan, GARAIA Parke Teknologikoko eskaintza eta instalazioak ezagutzeko aukera izan zuten, Idurre Albizurekin batera. Gainera, Saiolan ezagutu zuten, Javier Bikuñaren eskutik.

Bisitaren emaitza oso positibotzat jo zuten bi parkeek; izan ere, ingurunea eta beste parke batzuk ezagutzeak aukera berriak irekitzen dizkie beren ekosistemetan instalatutako enpresei.