Espainiako Parke Zientifiko eta Teknologikoen Elkarteak (APTE) XXIII. Nazioarteko Konferentzia antolatu du; azaroaren 5ean eta 6an Gijóneko Parke Zientifiko eta Teknologikoan ospatu da, Ekonomia Urdinari lotutako teknologiak eta berrikuntza ardatz hartuta.

PTGaraiak topaketan parte hartu du, Idurre Albizu, Komunikazio eta Negozio Garapeneko arduraduna, bere ordezkari gisa. Ekitaldiak Espainia osoko parke zientifiko eta teknologikoak, enpresak, zentro teknologikoak eta ikerketa-zentroak, baita nazioartean aitortutako hizlari eta adituak ere, bildu ditu. Hitzordu honek aukera ematen du PTGaraiaren berrikuntza-ekosistema ezagutarazteko, beste ekosistemekin lankidetza sendotzeko eta gure enpresentzat zein zentro teknologiko eta ikerketa-zentroentzat berrikuntza-aukera berriak aztertzeko.