PTGaraia eta Reuseko Tecnoparc-aren arteko topaketa teknologikoa

Enbalajea fabrikatzen eta zerbitzu logistiko osoak eskaintzen dituen Nefab enpresa PTGaraiara batu da
8 July, 2022
GARAIA INVESTORS KM0 ekintzailetza eta inbertsio foroa
21 July, 2022

PTGaraia eta Reuseko Tecnoparc-aren arteko topaketa teknologikoa

Uztailaren 11n, PTGARAIAren “TOPAGUNE TEKNOLOGIKOA” esparruan, GARAIA Parke Teknologikoko eta Tecnoparc Reuseko Teknologia eta Berrikuntza Parkeko enpresen arteko topaketa hibridoa egin zen.

Topaketa horretan, parke bakoitzeko hiru enpresa (Iruña Tecnologías, Diaradesign eta CIN Advanced Systems PTGaraiatik eta Ipte, Proacit eta Etecnic Reusetik) aurkeztu ziren eta beren jarduerez, esperientziaz eta helburuez hitz egin zuten, bi parke teknologikoetako ekosistemetan dauden enpresak ezagutarazteko eta aukera eta sinergia berrietara zabaltzeko.

Gainera, PTGARAIAko ekitaldian Debagoieneko hogei bat profesional bertaratu ziren. Parte hartu zuten enpresek banakako bilera eskatu ahal izan zuten hizlariekin, elkarren arteko ezagutzan eta lankidetza-aukeretan sakontzeko.

GARAIA Parke Teknologikoak eta Tecnoparc Reuseko Teknologia eta Berrikuntza Parkeak senidetze-programa bat garatu zuten 2022an, APTErekin (Espainiako Parke Zientifiko eta Teknologikoen Elkartea) lotuta. Senidetze-programaren helburuak hauek dira: berrikuntza-ereduei buruzko elkar ezagutzea, beste lan-modalitate eta kudeaketa-eredu batzuei buruzko ikaskuntza, eta bi ekosistemetako enpresen artean konexio- eta garapen-aukerak sortzea.

Hurrengo topaketa teknologikoa irailaren 26an izango da.