GARAIA INVESTORSek pertsona ekintzaileak, inbertsoreak eta erakundeak bildu ditu GARAIA Parke Teknologikoan egindako hirugarren topaketan

Jardunaldiko lehen blokean, Inma Ramos Gaztenpresako zuzendariak moderatu zuen mahaia, eta bertan Jon Barredo Elur-eko zuzendari nagusiak eta Maria Saiz Ekintzailetzaren Euskal Behatokiko zuzendariak ekintzailetza-esperientzien inguruan hausnartu zuten, ekintzaile askok bizi dituzten zailtasunei buruz eta oztopo desberdinak nola gainditu. Hainbat adibide eta ondorio argi eta praktikoak partekatu dira aretoko publiko ekintzaileari zuzenduta.

Bigarren blokean, Irune Yarza Ogasuneko zuzendari nagusiak eta Yolanda Dominguez Gipuzkoako Foru Aldundiko Zerga Kudeaketako zuzendariordeak, Juan Manuel Garrido ENISAko Eragiketen zuzendariak eta Oihana Garcia LKS Next Legaleko abokatuak Crea & Crece eta Startups legeetatik eratorritako ekintzaileentzako eta inbertitzaileentzako berrikuntzak eta inplikazioak aurkeztu dituzte, eta mahai-inguru batean parte hartu dute, Idoia Apraiz Galbaianeko presidenteak moderatuta.

Azkenik, Mondragon Unibertsitatea Industrial Sustainable Entrepreneurship Awards (MU ISE Awards) sarietako startup irabazleek eta hitzordurako hautatutako beste proiektu batzuek pitch formatuan aurkeztu dute beren proiektua inbertsioa eta networkinga erakartzeko.

GARAIA INVESTORSen helburua ekintzailetza eta inbertsioa bultzatzeko gune bat sortzea da, ezagutza eskainiz eta ekintzaileak, inbertitzaileak eta eragileak harremanetan jarriz. Ekimenak, GARAIA Parke Teknologikoa, MONDRAGON Sustapen Zentroa, Gaztenpresa, Mondragon Goi Eskola Politeknikoa, Mondragon Enpresagintza, Ikerlan, ISEA, Galbaian eta Debagoineko Mankomunitatearen laguntza eta babesa du.

Garaia Investorsen hurrengo edizioa 2024rako aurreikusita dago, formakuntzarako, networking-erako eta proiektuen aurkezpenerako beste hitzordu berri batekin, inbertsioa hurbiltzeko.