Mondragon Unibertsitateak eta Osakidetzak hitzarmena sinatu dute PTGaraian prestakuntza praktikoa sustatzeko euskal osasun zerbitzu sarean

Bizikletaren Nazioarteko eguna
2 June, 2022
Sara Carmona, Coinbroker Euskadiko enpresa saileko kide berria
3 June, 2022

Mondragon Unibertsitateak eta Osakidetzak hitzarmena sinatu dute PTGaraian prestakuntza praktikoa sustatzeko euskal osasun zerbitzu sarean

Atzo arratsaldean, PTGaraian, Eusko Jaurlaritzako Osasun sailburua eta Osakidetzako Administrazio Kontseiluko lehendakaria den Gotzone Sagarduik, Mondragon Unibertsitateko presidentea den Mikel Alvarezek eta Unibertsitateko errektore den Bixente Atxak esparru-hitzarmena sinatu zuten, lau urteko indarraldiarekin. Hitzarmenaren helburua da Mondragon Unibertsitateko graduko zein graduondoko ikasleek, prestakuntza-praktikak (Lantokiko Prestakuntza, LP) egitea euskal osasun zerbitzuaren sarean eta hura osatzen duten erakundeetan.

Hitzarmenak Mondragon Unibertsitateko lau fakultateetako (Goi Eskola Politeknikoa, Enpresagintza Fakultatea, Humanitate eta Hezkuntza Zientzien Fakultatea eta Gastronomia Zientzien Fakultatea) ikasleei eragiten die sinaduratik bertatik; izan ere, osasun-arloarekin zerikusirik ez izan arren, Osakidetzako egiturazko plantillan jasotako kategorietan dauden praktikak jasotzen dira.

Hitzarmen honek, ateak ireki nahi ditu punta-puntako sektore batetara, kasu honetan, osasuna, Euskadik gero eta gazte prestatuago eta espezializatuagoak izan ditzan.