KREAN esleipendun izan da Irungo Udalak sustatutako lizitazio publikoan, Irungo (Gipuzkoa) Ficoba ondoko erabilera anitzeko pabiloiaren alternatiben azterlana eta oinarrizko proiektua idazteko.

Irungo erabilera anitzeko pabiloi berriak, Irungo Areto Moldakorra (IAM) izenekoak, 8.300 eta 12.500 ikusle arteko edukiera izango du, eta hirian agertzen diren hiru beharrizanei erantzutera deituta dago: Ficoba azoka-esparrukoak, , Bidasoa Kirol Zentroak eskubaloiko lehiaketa ofizialetan parte hartzeak dakartzan kirol-beharrak eta kultura-beharrak. Jarduketaren barruan, inguruko urbanizazioa sartzen da, bai eta eraikin berriari zerbitzua emango dion lurpeko aparkaleku bat ere. Oinarrizko proiektua idazteak, besteak beste, instalazioaren behin betiko kostua “modu zehatzagoan ezagutzen” lagundu behar du.