Zer da ingroup?

In group pertsonen mundua eta erakundeen garapen integrala gogoko dugun taldea gara. Liderrei eta taldeei laguntzen diegu egungo ingurune aldakorrari aurre egiteko erronkan, pertsonen kudeaketa hobetuz, hiru zutabeetan oinarritzen den balio-proposamen batekin:

1. Profesional onenen bilaketa eta hautaketa, enpresaren kultura kontutan hartuz.
2. Erakunde malguagoak, sortzaileagoak, arinagoak eta eraginkorragoak garatzea, talentuaren alderik hoberena azaleratzea eta leialtzea ahalbidetuko duten garapen-ereduen bidez. Hori guztia emaitza oso kontuan hartuta. Arlo honetan komunikazioan, ordainsari-sisteman, jarduna ebaluatzeko ereduetan eta garapen-elkarrizketetan, berdintasun-planetan eta abarretan lan egiten dugu.
3. Liderrek eta taldeek esku hartzeko eta entrenatzeko programak, hauen bidez lidergo eraldatzaile eta fidagarria sustatzeko, baita erantzukizun eta erronka berriak har ditzatela ere, elkarlanaren eta errendimendu handiko taldeak bultzatzera bideratutako trebetasunen garapenaren aldeko apustua eginez.

Zein erronka dituzue aurretik?

Erakundeak osasungarriagoak, parte-hartzaileagoak eta iraunkorragoak bilakatzea da gure erronkarik handiena. Honek mugiarazten gaitu. Gure aletxoa ematea gizartea hobetzeko, lan-inguruneak hobetuz.

Esperientzia errealik kontatuko ahal diguzu?

Gure ibilbide osoan zehar, poz handia eman diguten proiektuei ekiteko zortea izan dugu bezeroekin. Zaila da bat aipatzea. Gaur egun, nazioarteko presentzia duen Gipuzkoako enpresa handi baten lanpostuak baloratzeko eta ordainsari-sistema birkonfiguratzeko proiektu bati heltzen ari gatzaizkio, eta oso modu positiboan laguntzen ari da pertsona guztiekin partekatutako arau argi batzuetan oinarritutako egitura justuago eta orekatuago baterantz aurrera egiten. 4 hilabete baino gehiago daramatzagu proiektu honetan lanean, eta ziur ikasketa berri bat suposatuko duela, bai guretzat, baita gure bezeroarentzat ere.

Bestalde, Goierri Valleyren eskutik, Goierriko eskualdean lider eraldatzaileak garatzeko ibilbide bat sortu dugu 2021ean, non 15 enpresetako liderrek parte hartu duten. Partaidetzazko eta bizipenezko 8 lan-saio egin ditugu dagoeneko eta, parte-hartzaileen trebetasunak eta gaitasunak garatzen laguntzeaz gain, ikaskuntza-komunitate interesgarri bat eraikitzeko balio izan dute ere, programaz haraindiko esperientziak partekatzen jarraitzeko.

Nola egiten duzue lan?

Bezeroarekin batera lan egitea gustatzen zaigu, hurbileko tratuarekin eta entzutean oinarrituta. Honi esker irtenbide berritzaileak eskaini ditzakegu, erakundearen nortasuna errespetatzen duten heinean.

Gure beste nortasun-ezaugarri bat talde-lana da; argi dugu ideiarik onenak hausnarketa kolektiboetatik sortzen direla, hainbat ikuspuntuk parte hartzen dutenean.

Zein da zure helburua Garaia Parke Teknologikoan?

Garaia Parkeko komunitatean sartuz inguruko enpresengana gehiago hurbildu nahi dugu, haien errealitatea ezagutu eta balio erantsia eskaini ahal izateko. Azken finean, eskualdea garatzen lagunduko duen beste eragile bat izatea.