IKERLANen gidaritzapean garatzen ari da FRACTAL nazioarteko proiektu aitzindaria
FRACTAL adimen artifizialean oinarritutako proiektu aitzindaria da, eta makinei adimena eta gaitasun kognitiboak eman diezazkieke, hainbat sektoretan, hala nola energian, garraioan eta industrian.
Soluzio horrekin, makinak ingurunera egokitu, akatsak aurreikusi, eta akatsei eragin ahal izango diete, gizakiak esku hartu gabe.
Zentro teknologikoak, euskal industriaren premiei aplikatutako adimen artifizialeko soluzioetan liderra denak, Europako proiektua bultzatu zuen, eta gidatzen ari da. Proiektuak 15,7 milioi euroko aurrekontua du hiru urterako, Europako Batzordeak eta Industria, Merkataritza eta Turismo Ministerioak finantzatuta.
IKERLANek EFECS 2020 osagai eta sistema elektronikoen erreferentziazko foro europarrean aurkeztu du proiektua.
FRACTAL proiektu europar aitzindaria da, IKERLANek
sustatua eta gidatua, eta bere asmoa da adimen artifizialean oinarritutako
digitalizazio soluzio bat sortzea, makinak ‘autodiagnostikatzeko’ gai izan
daitezen, ingurunera egokitu, akatsak aurreikusi eta akatsak gertatu baino
lehen konpontzeko. Horretarako, hardware
eta software soluzio bat garatuko du,
makinei adimena eta gaitasun kognitiboak emango dizkiena eta hainbat sektoretan
aplikatu ahal izango dena, hala nola energian, garraioan edo industrian. IKERLANek
EFECS 2020an ekitaldian –European Forum for Electronic Components and Systems–
aurkeztu du proiektua, osagai eta sistema elektronikoen erreferentziazko foro
europarra baita.
Soluzioak aplikaziorako aukera ugari du. Europar Batasunean ikerketarako
lehentasunezko interesgune diren lau teknologia hauek konbinatzen ditu:
batetik, edge computinga – Datuen prozesamendua datuak sortzen ari diren
lekutik ahalik eta gertuen hurbiltzean datza, prozesamendu hori hodeitik azken gailuetara
mugituta –, bigarrenik, big data; hirugarrenik, 5G eta, azkenik, adimen
artifiziala. FRACTALi esker, adibidez, ekoizpen
planta bateko gailu fisikoak elkarren artean komunikatu ahal izango dira, eta
datuak partekatzeko gai izango dira; horrela, instalazioan ager daitezkeen
arazoak konpontzen lagunduko dute, gizakiak esku hartu beharrik gabe. Era berean, industria inguruneetan
talkak saihesteko oztopoak antzematea ahalbidetuko du, bai eta hiriko tren
autonomoek doitasunezko geldialdiak egin ahal izatea edo beste ibilgailu eta
pertsona batzuen presentzia kalkulatzea ere. Are gehiago, ingeniaritza zibileko
obretako segurtasuna hobetuko du, azpiegiturak droneekin zainduz, egon
daitezkeen arriskuak denbora errealean identifikatzeko. Garapen fasea gaindituta, FRACTAL
nazioarteko hainbat enpresatan instalatuko da, besteak beste, CAFen.
“Azken batean,
soluzio bat garatuko dugu makina bere ingurunetik ikasteko eta aldaketetara
egokitzeko gai izan dadin“, azaldu du
Aizea Lojok, IKERLANeko Datuen Analitika eta Adimen Artifizialeko taldeko
ikertzaileak eta proiektuaren koordinatzaile orokorrak. Gainera, FRACTALen,
industria segurtasunean, hardware eta software fidagarriaren diseinuan,
adimen artifizialean, IoTan eta komunikazioetan adituak diren IKERLANeko
taldeek parte hartzen dute.
Aizea Lojok gaineratu du FRACTAL, zentro teknologikoaren
posizionamenduaren ildotik, industriaren benetako beharrak konpontzera
bideratuta dagoela: “Gaur egun, gure inguruko enpresak gai dira
beren enpresetan sortutako datuak biltzeko eta biltegiratzeko, baina zailtasunak
dituzte gordetako datuen ezagutza eta balioa ateratzeko fasean. Gaur egun,
adimen artifizialeko ereduak inplementatzea eta horiek ekoizpenera eramatea da
erronka handienetako bat. Hor FRACTALek enpresei lagunduko die soluzio bat
emanez, eta soluzio horrek, beharrezko datuak biltzeaz gain, gailu propioetan
adimen artifiziala exekutatzeko gai izango da (makinak, trenak, ibilgailu
autonomoak edo beste asko.)”.
Bere helburua bermeekin bete ahal izateko, FRACTALek baldintza zorrotzak bete beharko ditu industria segurtasunaren, energia eraginkortasunaren eta gaitasun konputazionalen arloan. Adimen artifizialeko algoritmoek eta 5G bidezko komunikazioak konputazio ahalmen handia eskatzen dute, eta horrekin soluzio berriak beharrezko ikaskuntza eta moldagarritasuna edukiko ditu. Baldintza horiek partzuergoaren espezializazio handiari esker bete daitezke, bai eta zentro teknologikoak IKERLAN Konnekt digitalizazio soluzioen familiaren barruan garatutako teknologien garapenari eta aplikazioari esker ere. FRACTALek 15,7 milioi euroko aurrekontua du hiru urterako, Europako Batzordeak eta Industria, Merkataritza eta Turismo Ministerioak ECSEL programaren bidez emandakoa. IKERLANek, euskal industriaren premiei aplikatutako adimen artifizialeko soluzioetan liderra den zentro teknologikoak, proiektu hori bultzatu zuen, eta gidatzen ari da. Proiektu horretan, Europako zazpi herrialdetako (Espainia, Frantzia, Suitza, Alemania, Finlandia, Austria eta Italia) 28 erakundek parte hartzen dute, digitalizazioaren eta adimen artifizialaren arloko erreferentziazko enpresen, unibertsitateen eta zentro teknologikoen artean. Horien artean daude ZYLK, LKS, CAF Signalling, Prointec, Solver, BSC eta Valentziako Unibertsitate Politeknikoa.
Webgune honek cookieak erabiltzen ditu ahalik eta erabiltzaile-esperientziarik onena eskaini ahal izateko. Cookieei buruzko informazioa zure nabigatzailean gordetzen da, eta gure webgunera itzultzen zarenean zeure burua ezagutzeko edo gure ekipoari webguneko zein atal aurkitzen dituzun interesgarrienak eta erabilgarrienak ulertzen laguntzeko funtzioak betetzen ditu.
Teknikoak, erabiltzaileari bertan dauden aukera edo zerbitzuak erabiltzeko aukera ematen diotenak, hala nola datuen trafikoa eta komunikazioa kontrolatzea, saioa identifikatzea, sarbide mugatuko zatietara sartzea. Horiez gain, hemen sartzen dira editoreak, hala badagokio, editatutako edukia edo iragarkiak erakusteko maiztasuna bezalako irizpideetan oinarrituta sartu dituen publizitate tarteak ahalik eta modu eraginkorrenean kudeatzeko aukera ematen dutenak ere.
Funtzionalak, aldiz, webgune batek dagoeneko sartutako informazioa gordetzeko aukera ematen dutenak (hala nola erabiltzaile izena, hizkuntza edo egungo kokapena), eta erabiltzaileari ezaugarri hobetuak eta pertsonalizatuagoak eskaintzen dizkiotenak.
Si desactivas esta cookie no podremos guardar tus preferencias. Esto significa que cada vez que visites esta web tendrás que activar o desactivar las cookies de nuevo.
Analisi eta publizitatezko cookieak
Analisi cookieak erabiltzaileen portaeraren jarraipena eta azterketa egiteko aukera ematen dutenak dira.
Publizitatezko cookieak, aldiz, publizitate espazioak ahalik eta modurik eraginkorrenean kudeatzeko aukera ematen dutenak dira. Erabiltzaileen portaerari buruzko informazioa biltegiratzen dute, nabigazio ohiturak etengabe behatuta. Horri esker, profil espezifiko bat gara daiteke publizitatea erakusteko.
¡Por favor, activa primero las cookies estrictamente necesarias para que podamos guardar tus preferencias!