IKERLANek mugikortasun jasangarria sustatzeko, 500km-ko autonomia eta 18 minutuko birkarga duen bateria garatuko du
Mercedes-Benzek LIBERTYn garatutako bateriak bere
ibilgailu elektrikoetako batean txertatuko ditu, proiektuan erakusle gisa
erabiliko dena.
Liberty proiektuak 500 km-rainoko autonomia duen
bateria bat garatuko du. Bateria horren bizitza baliagarria errekuntza-ibilgailuenaren
antzekoa izango da eta karga ultraazkarrerako ahalmena izango du.
Hiru urte eta erdirako 11 milioi euroko aurrekontua
du, Europako Batzordearen Horizon 2020 Programak finantzatuta,
elektromugikortasunaren sektorerako proiektu estrategikoa baita.
Donostian
autoa hartu eta Bartzelonaraino ibilgailua kargatu beharrik gabe gidatu ahal izatea,
18 minututan kargatzea eta auto elektrikoaren bateriaren bizitza erabilgarria
egungo errekuntza-ibilgailuen bizitza baliagarriaren parekoa izatea dira,
besteak beste, Europako LIBERTY proiektuak ezarri dituen erronketako batzuk.
Proiektu hori IKERLAN euskal zentro teknologikoak gidatzen du. Mercedes-Benz,
mugikortasun iraunkorrerako proiektu estrategiko honen partaideetako bat, LIBERTYn
garatutako bateriak bere ibilgailu elektrikoetako batean txertatuko dituen
lehena izango da, proiektuan erakusle gisa erabiliko dena.
LIBERTYk
hamaika milioi euro inguruko aurrekontua du hiru urte eta erdirako, Europako
Batzordeak Horizon 2020 Programaren bitartez finantziatua. Programa horrek
hainbat gai estrategikoren ikerketa- eta berrikuntza-proiektuak finantzatzen
ditu.
Proiektu
honen bidez, gaur egungo errekuntza-motorren bizitza erabilgarri antzekoa duten
bateriak garatu nahi dira, hau da, 20 urte edo 300 000 km bitartekoak. Gaur
egun, bateria elektriko baten bizitza erabilgarria txikiagoa izan ohi da, 10
urte edo 150 000 km inguruko garantiarekin, alegia. Elementu horrek
ibilgailuaren kostuaren % 50 inguru ordezkatzen du. LIBERTYn garatu beharreko
bateriek, gainera, % 25 handituko dute autonomia —500 km ere
birkarga-beharrik gabe gidatzeko aukera emango dute—, eta, kargatu behar
direnean, 18 minututan bakarrik egin ahal izango da, gaur egun antzeko edukiera
duen bateria kargatzeko behar den denboraren erdia baino gutxiago.
Baterien
segurtasuna eta iraunkortasuna izango dira ikerketan kontuan hartuko diren
beste faktore batzuk. Ibilgailu elektriko baten bere bizi-zikloa amaitzen duenean,
proiektu honek garatuko dituen bateriek bigarren bizitza bat izango dute, adibidez,
energia berriztagarrien arloan: parke fotovoltaiko bati euskarria emateko edo hirietako
eraikinetan eguzki-paneletan sortutako energia biltegiratzeko berrerabil
daitezke.
Egoitz
Martínez-Lasernak, IKERLANeko energia-biltegiratzearen alorreko ikertzaileak
eta LIBERTY proiektuaren koordinatzaileak, azaldu duenez, IKERLANen proiektu
teknologikoekin bat etorriz, ikerketa horrek “gaur egun ibilgailu elektrikoa
hartzea oztopatzen duten eragozpen nagusi askori konponbidea emango die
proiektuak, kontsumitzailearen kezka nagusiei aurre egiteko lan egingo baitugu,
hala nola, ibilgailuaren autonomia, birkarga-denborak eta bizitza erabilgarria
ere bai”.
LIBERTY
proiektua garatzeko, IKERLANek zazpi herrialde europarretako kideak integratzen
dituen partzuergo bat zuzentzen du, ikerketa, unibertsitate eta enpresaren
esparruan ospe handia duten hamasei eragilek osatua. Horien artean daude, besteak
beste, Mercedes-Benz bera, Diehl Controls, Hutchinson, Infineon, NXP, Valeo,
Accurec, Virtual Vehicle Research, Flanders Make, Fraunhofer-IISB, Mondragon
Unibertsitatea, BRING eta CLEPA.
Energia
eta potentzia-elektronika IKERLANen espezializazio teknologikoko ildoetako bat
da. Zentroak unitate horretan espezializatutako 60 ikertzaile baino gehiagoko
taldea du, eta, LIBERTYz gain, Horizon 2020 programaren esparruan garatzen ari
diren proiektuak ere baditu, hala nola SEABAT, SENSIBAT edo GHOST. Hauetaz
gain, erreferentziazko enpresa nazionalekin beste industria-transferentziako
proiektuetan ere ari dira lanean gaur egun.
Arlo horretan duen esperientziari esker, euskal zentroak energia biltegiratzeko sistemen eta elektromugikortasunaren aldeko apustua indartuko du, eta, horretarako, aktiboki parte hartuko du LIBERTYn garatuko diren baterietarako sistema elektronikoen (BMS) garapenean, bai eta adimen artifizialean oinarritutako algoritmoetan ere, haien egoera balioesteko.
Webgune honek cookieak erabiltzen ditu ahalik eta erabiltzaile-esperientziarik onena eskaini ahal izateko. Cookieei buruzko informazioa zure nabigatzailean gordetzen da, eta gure webgunera itzultzen zarenean zeure burua ezagutzeko edo gure ekipoari webguneko zein atal aurkitzen dituzun interesgarrienak eta erabilgarrienak ulertzen laguntzeko funtzioak betetzen ditu.
Teknikoak, erabiltzaileari bertan dauden aukera edo zerbitzuak erabiltzeko aukera ematen diotenak, hala nola datuen trafikoa eta komunikazioa kontrolatzea, saioa identifikatzea, sarbide mugatuko zatietara sartzea. Horiez gain, hemen sartzen dira editoreak, hala badagokio, editatutako edukia edo iragarkiak erakusteko maiztasuna bezalako irizpideetan oinarrituta sartu dituen publizitate tarteak ahalik eta modu eraginkorrenean kudeatzeko aukera ematen dutenak ere.
Funtzionalak, aldiz, webgune batek dagoeneko sartutako informazioa gordetzeko aukera ematen dutenak (hala nola erabiltzaile izena, hizkuntza edo egungo kokapena), eta erabiltzaileari ezaugarri hobetuak eta pertsonalizatuagoak eskaintzen dizkiotenak.
Si desactivas esta cookie no podremos guardar tus preferencias. Esto significa que cada vez que visites esta web tendrás que activar o desactivar las cookies de nuevo.
Analisi eta publizitatezko cookieak
Analisi cookieak erabiltzaileen portaeraren jarraipena eta azterketa egiteko aukera ematen dutenak dira.
Publizitatezko cookieak, aldiz, publizitate espazioak ahalik eta modurik eraginkorrenean kudeatzeko aukera ematen dutenak dira. Erabiltzaileen portaerari buruzko informazioa biltegiratzen dute, nabigazio ohiturak etengabe behatuta. Horri esker, profil espezifiko bat gara daiteke publizitatea erakusteko.
¡Por favor, activa primero las cookies estrictamente necesarias para que podamos guardar tus preferencias!