IKERLANek ELASTIC europar proiektuan parte hartzen du
IKERLAN zentro teknologikoak ELASTIC europar proiektuan parte hartzen du. Aipatu proiektua zuzenduta dago garraio publikoko (tranbia, metro eta autobusa) eta pribatuko sistemetatik eratorritako datuak era eraginkorrean ustiatuko dituen software arkitektura berri bat garatzera, eta etorkizuneko mugikortasun sistema autonomo eta seguruen oinarriak jarriko ditu. Teknologia horren bitartez, gorabeherak, istripuak eta mantentze kostuak murriztuko ahal izango dira, esate baterako, eta, gainera, hiriko trafikoa hobetuko da. Hori guztia, erantzuna emateko denborak eta komunikazioen segurtasuna optimizatuz.
ELASTIC proiektuaren abiapuntua mugikortasunaren sektorea da, baina
proiektuan zehar garatuko den teknologiak, era berean, bere eraginkortasuna eta
produktibitatea hobetzea ahalbidetuko dio 4.0 industriari.
ELASTIC proiektuak 5,9 milioiko aurrekontua du, hiru urterako. Diru hori
Europar Batzordeak jarritakoa da Horizonte 2020 Programaren bitartez, eta
programa horrek hainbat arlotako proiektuak finantzatzen ditu ikerketa eta
berrikuntzaren esparruan.
Arintasun eta segurtasun handiagoa datuen prozesamenduan
Gaur egun, Big Data teknologiaren egitekoa da datu iturri
ugaritatik datozen informazio kopuru erraldoiak hodeian prozesatzea. Gainera,
hiri adimendunekin edo fabrikazio aurreratuarekin lotutako aplikazioetan, non
datu analisiak garrantzia handia duen, informazioa denbora errealean prozesatu
behar da, era seguruan eta energia eraginkortasuna bermatuz, eta hori ezinezkoa
da egun ezagutzen dugun hodeiko teknologiarekin.
ELASTICek garatuko duen software arkitektura berriak lagundu
egingo du erronka horri aurre egiten.
Cristina Zubiak, proiektuan ari den IKERLANeko ikertzaileak, azaldu
duenez, “hiriko trafiko sare osoan
(geltokietan, tranbietan, kontrol zentroetan, hodeiko azpiegituran, etab.)
banatutako baliabide konputazionalak erabiliko dituzte. Horietan banatuko da, era arin eta adimendunean, hirian zehar
banatutako ibilgailuek, eta kamerek, radarrek edo ingurumen sentsoreek ere, era
masiboan bildutako datuen analisiak dakarren lan karga. Datu prozesamendua
banatzeko era hori fog edo Edge computing deitzen da.” Zubiak gehitu
du elastikotasun kontzeptua aplikatzeak eta behelainoko konputazio ereduak (fog computing) “datu sareen kongestioa arintzea ahalbidetuko duela, eta, aldi berean
erantzuteko denborak optimizatuko direla, sistemen segurtasuna handituta eta
energia gastua txikituta”.
IKERLANek zenbait esparrutan dituen ezagutzak, hala nola adimen
artifizialean, komunikazio sistema seguruetan eta konputazio aurreratuan, eta Big Data arloetako software arkitekturen
garapenean eta datu prozesamenduan duen esperientziak ere ahalbidetzen dute
IKERLANek proiektuko fase guztietan parte hartzea eta bera lider izatea fog computing arkitekturaren garapenari
dagokion lan multzoan. Proiektuaren muinetako bat da, eta horretan garrantzia
berezia hartuko du IKERLAN KONNEKTek eskaintzen duen fog computing-eko plataforma malgu eta pertsonalizagarriak, hots,
enpresa bakoitzak dituen behar zehatzetara egokitzen den digitalizazio
soluzioen familia.
Mugikortasun eta digitalizazio industrialerako
erabilgarria den teknologia
ELASTIC teknologiaren potentziala mugikortasun
adimendunak erabilera erreala duen kasu batean ari da probatzen, Florentziako
(Italia) tranbia sarean, hain zuzen ere. Sare horrek konektibitate sentsoreak
eta ekipamenduak ditu eta horregatik da leku egokia teknologia hau probatzeko.<0}
Garraio-sistema publikoetan ez ezik, produktu eta zerbitzuen
digitalizazioaren aldeko apustua egiten duten enpresetan ere erabilgarri izango
da teknologia hori. ELASTIC teknologiari esker, 4.0 industriak bere
eraginkortasuna eta produktibitatea hobetu ahal izango ditu, eta, gainera, bere
mantentze lanak optimizatuko ditu konektibitateari eta datu ustiapen masiboari
esker, makinen monitorizazioan, sistemen sentsorizazioan edo mantentze lan
prediktiboetan, esaterako. Adibidez, enpresa batek bere ekoizpen linearen
mantentze lanen kudeaketa hobetu ahal izango du, ekoizten dituen produktuen
errendimendua, iraupena eta segurtasuna denbora errealean kontrolatuz.
Cristina Zubiak adierazi duenez, “merkatura
bideratuta dagoen teknologia da eta gure gizarteak eta gure industriak gero eta
maizago dituen erronkei eta beharrei erantzuten dien teknologia da, azken
batean, horixe baita Ikerlanek lantzen dituen proiektuen ezaugarririk
funtsezkoena”.
Proiektua Bartzelonako Superkonputazio Zentroak (BSC) koordinatzen du. IKERLANez gain, honako hauek dira Europako zazpi herrialdetako zentro teknologiko eta erakunde parte hartzaileak: Instituto Superior de Engenharia do Porto (ISEP, Portugal), Information Catalyst for Enterprise LTD (ICE, Erresuma Batua), SixSQ SARL (Suitza), Thales TRT SA (Frantzia), Thales Italia SPA (Italia) eta Gestione ed Eserizio del Sistema Tranviario SPA (GEST) eta Citta Metropolitana di Firenze mugikortasuneko sozietate italiarrak.
Webgune honek cookieak erabiltzen ditu ahalik eta erabiltzaile-esperientziarik onena eskaini ahal izateko. Cookieei buruzko informazioa zure nabigatzailean gordetzen da, eta gure webgunera itzultzen zarenean zeure burua ezagutzeko edo gure ekipoari webguneko zein atal aurkitzen dituzun interesgarrienak eta erabilgarrienak ulertzen laguntzeko funtzioak betetzen ditu.
Teknikoak, erabiltzaileari bertan dauden aukera edo zerbitzuak erabiltzeko aukera ematen diotenak, hala nola datuen trafikoa eta komunikazioa kontrolatzea, saioa identifikatzea, sarbide mugatuko zatietara sartzea. Horiez gain, hemen sartzen dira editoreak, hala badagokio, editatutako edukia edo iragarkiak erakusteko maiztasuna bezalako irizpideetan oinarrituta sartu dituen publizitate tarteak ahalik eta modu eraginkorrenean kudeatzeko aukera ematen dutenak ere.
Funtzionalak, aldiz, webgune batek dagoeneko sartutako informazioa gordetzeko aukera ematen dutenak (hala nola erabiltzaile izena, hizkuntza edo egungo kokapena), eta erabiltzaileari ezaugarri hobetuak eta pertsonalizatuagoak eskaintzen dizkiotenak.
Si desactivas esta cookie no podremos guardar tus preferencias. Esto significa que cada vez que visites esta web tendrás que activar o desactivar las cookies de nuevo.
Analisi eta publizitatezko cookieak
Analisi cookieak erabiltzaileen portaeraren jarraipena eta azterketa egiteko aukera ematen dutenak dira.
Publizitatezko cookieak, aldiz, publizitate espazioak ahalik eta modurik eraginkorrenean kudeatzeko aukera ematen dutenak dira. Erabiltzaileen portaerari buruzko informazioa biltegiratzen dute, nabigazio ohiturak etengabe behatuta. Horri esker, profil espezifiko bat gara daiteke publizitatea erakusteko.
¡Por favor, activa primero las cookies estrictamente necesarias para que podamos guardar tus preferencias!