Elkar-Lan, S. Coop. Kooperatibak Sustatzeko Sozietateko zuzendari Francisco Javier Sanzek eta GARAIA Parke Teknologikoko Negozio Garapeneko eta Komunikazio arduradun Idurre Albizuk lankidetza-hitzarmena sinatu dute gaur, bi erakundeei eta horiei lotutako enpresei balioa emateko.

Akordioaren arabera, Elkar-Lan, S. Coop., PTGaraia komunitatearen parte izatera igaroko da, hura sartzeari lotutako zenbait zerbitzurekin. Gainera, akordio honen helburua Elkar-Lan, S. Coop. sozietateari balio erantsiko zerbitzuak eskaintzea da, eta, horrez gain, Elkar-Lan, S. Coop. sozietateak sustatutako kooperatibei ere eskaintzea, halakorik eskatzen badute. Balio erantsiko zerbitzuetako batzuk: bilerak, hitzaldiak, jardunaldiak… egiteko espazioak erabiltzea; jarduerak eta albisteak sustatzea eta zabaltzea; parkeak antolatutako networking, talentu, inbertsio, ZTIM… ekintza eta jardunaldietan parte hartzea; harremanetarako, inbertsiorako eta lankidetzarako sareetarako sarbidea izatea…

GARAIA Parke Teknologikoak enpresa-garapena bultzatzen jarraituko du, bere ekosisteman negozio-aukera berriak eta sinergiak sortuz eta enpresen hazkunderako zerbitzuak eskainiz.

Elkar-Lan, S. Coop.

Elkar-Lan, S. Coop., Euskal Herriko bigarren mailako kooperatiba da, kooperatiba berriak sustatu eta sortzen dituen euskal kooperatiba-mugimenduko erakundeek (KONFEKOOP eta KOOPERATIBEN KONTSEILUA) osatua. Bere helburu nagusia Euskal Autonomia Erkidegoan enplegu kooperatiboa eta garapen ekonomiko eta soziala sustatzea da. Hori lortzeko, Elkar-Lan, S. Coop. kooperatiba-sozietateak kooperatibak eratzeko laguntza eskaintzen du, eta aholkularitza eta baliabideak ematen dizkie mota horretako enpresak prestatzeko interesa duten ekintzaileei, bai eta sustatu duten kooperatiba bakoitzaren lehen ekitaldian laguntza ere.