Enpresa-ekosistema desberdinen artean sinergiak eta loturak sortzeko, GARAIA Parke Teknologikoak, bere komunitateko hainbat ordezkarirekin batera, Avilés Parke Zientifiko Teknologikoa – Isla de la Innovación bisitatu du, Espainiako Parke Teknologikoen Elkartearen (APTE) senidetzeko programaren barruan.

Bisita horretan, Garaia komunitateko Roganet, Diseimedia, Mikros eta Onenpro enpresek eta PTGARAIKO kudeaketa-taldeak IDONIALen Altzairuaren Zentro Teknologikoa eta Manzana del Acero ezagutu ahal izan dituzte. Ikerlanek parte hartu zuen proiektu horretan, eta IDEKO ere partaide da.

PCTAvilésen lan-eremuak eta berrikuntza-eredua ezagutu ondoren, PTGaraiako enpresek eta PCTAviléseko, Girol Consulting, Trelia Data, Solucpro, Codefuente eta Plan B enpresek bi aldeen arteko topaketak egin dituzte, elkar hobeto ezagutzeko eta lankidetza-espazioak eta identifikatzeko.

“Oso interesgarria iruditzen zaigu PTGARAIAk beste enpresa eta beste ingurune batzuetetako parke batzuk ezagutzeko eskaintzen duen aukera. Beste errealitate eta negozio-eredu batzuk ezagutzea lagungarria da hobetzeko, eta inoiz ez dakigu non egon daitezkeen sinergia berriak.”- Diseimedia

Irailean, beste topaketa birtual bat egingo da Garaia Topagune Teknologikoa programaren barruan, eta, urriaren amaieran, PCTAviléseko ordezkariek eta haien enpresetako ordezkariek PTGaraiako instalazioak bisitatuko dituzte.