Datorren azaroaren 9 an Zientzia eta Teknologiaren astea dela eta Garaia Parke Teknologikoa Ate Irekien jardunaldia ospatuko du gizarteari bertako egunerokotasuna eta enpresen teknologiak ezagutzera emateko helburuarekin.
Azaroak Garaia Parke Teknologikoaren egutegiko
jarduera garrantzitsuenetako bat ekarri ohi du. Egunotan Zientzia eta Teknologiaren Astea
egiten da, eta Arrasateko Parke Teknologikoa, beste urte batez, plazer handiz
egingo horrekin bat.
Horregatik guztiagatik, datorren azaroaren 9an,
Garaia Parke Teknologikoak ate irekien jardunaldi bat egingo du, Arrasateko
zein Debagoieneko gizarte guztiak hurbildu eta parkeko enpresak ezagutu ahal
izan ditzan, eta gaur egun diziplina desberdinetan aplikatzen diren
teknologiekin esperimentatu.
Goizeko 10:30ean irekiko da esparrua, eta 11:000etatik aurrera ez da ezer faltako
parkeko enpresekin batera antolatzen den ekitaldian. Etxeko gaztetxoentzat, halaber,
puzgarriak, marrazketa tailerrak, Legogunea eta beste hainbat gauza ere egongo
dira. Teknologiaren
eremuari lotutako zenbait jarduera antolatu dira publiko guztientzat (3D
inprimaketa, Errealitate birtuala eta Robot Humanoide bat).
Talde txikietan, 11:15etik 12:00etara bitartean,
bisita gidatua egingo da parkeko zenbait enpresatan barrena, eta euren ateak
ireki eta zer egiten duten eta beste bitxikeria batzuk kontatuko dizkigute. Gainera, aurtengoan,
mikrobus bat izango dugu, parkeko goialdeko instalazioak bisitatzeko eta LKS
Ikerlan eta Edertek eraikinak ikusteko.
Aldi berean, XXI. mendeko gizartean adinekoak ahalduntzeari buruzko gogoeta egin nahi dutenentzat, hitzaldi batera joan ahal izango gara, “Adineko liderrak gizartearentzat” izenburupean, halaber Garaian kokatuta dagoen BiziPoz enpresaren eskutik. (Jardunaldian parte hartzeko ez da beharrezkoa izen ematea).
Eta, amaitzeko, zozketak egingo ditugu, eta luntx bat, parkeko kideen eta bisitan etorritakoen artean esperientzia partekatzeko.