Martxoaren 12an, ostegunean, 15:30ean, Garaia Parke Teknologikoan egingo da Startup Industrialen Keiretsu Inbertsio Foroa, aurrez aurre, eta Zoom bidez online jarraitzeko aukerarekin.

Foroan, finantzaketa-errondan dauden 8 eta 10 startup artean beren proiektuak aurkeztuko dituzte inbertitzaileen eta enpresa-ekosistemako eragileen aurrean. Parte hartzen duten startupak seed eta late pre-seed faseetan daude, eta industria-sektorerako produktu eta teknologia berritzaileen garapenean duten fokua dela eta hautatu dira.

Topaketa honek startup industrial berritzaileen proiektuak bertatik bertara ezagutzeko eta potentzial handiko ekimenekin harremanak sortzeko aukera eskaintzen du.

Interesa duten pertsonek Inbertsio Foroan izena eman dezakete ondoko botoiaren bidez.