Alava Emprende (www.alavaemprende.com) ekimenaren barruan, urtean zehar Ekin Breakfast izeneko ekitaldi tematikoak egiten ari dira. Oraingo honetan, datorren ostegunean, urriaren 22an, 09:30etik 11:00etara, telekonferentzia bidez egingo den Ekin Breakfasten parte hartzera gonbidatzen zaitugu.

Parke teknologikoak toki ezin hobeak dira proiektu berriak sortzeko, sinergiak ahalbidetzeko, eta enpresa-proposamen berri eta oso berritzaileak garatzeko.

Ekin Breakfast honetan 6 ekintzaileren esperientziak izango ditugu, Arabako Parke Teknologikoan zein Gipuzkoako Garaia Parke Teknologikoan sortutakoak. Ekintzaile horiek azalduko digute beren hasierak nolakoak izan ziren, eta horrez gain, negozio bat abian jartzean eta proiektua zabaltzeko laguntza-lerroak bilatzean kokapena funtsezkoa izan daitekeela ere emango digute aditzera.

Egitaraua

9:30 Ekin Breakfast aurkezpena

9:35 Esperientzia panela

• Amaia Díaz de Monasterioguren. Dietista-nutrizionista (PT Garaia)
• Bikai. Ana García-Serrano (PT Álava)
• Blokal. Itziar Artamendi (PT Garaia)
• Ikustec. Leticia López de Luzuriaga (PT Álava)
• Inalia. Jaime Fernández (PT Álava)
• Roganet. Ivan Romañana (PT Garaia)

10.40 Elkarrizketa eta ondorioak

11:00 Amaiera