Mondragon Goi Eskola Politeknikoak antolaturik, pasa den astelehenean, irailaren 20an, EIT Manufacturing enpresa frantzesak PTGaraia bisitatu zuen. Enpresaren ordezkari bezala, Lucia Ramundo Master and Program manager-a eta Javier Gonzalez, Education Developer-a izan ziren.

EIT Manufacturing enpresa, berak sustatutako “People and Robots for Sustainable Work” nazioarteko master programan parte hartzen duten eragileak, ekosistema ekintzaile eta berritzailea ezagutu eta ikasleekin hartu emana sorrarazteko helburuarekin elkartu zen.

Zertan datza “People and Robots for Sustainable Work” programan?

Programaren helburua Robotika eta Automatizazio inguruko ezagutza teknikoa izateaz gain, enpresa berriak sortzeko ideia berrien garapena sustatzea da. Beraien ibilbiderik kanpo eta barne-ekintzailetza lantzeko aktibitate bereziak egingo dituzte eta uztaila partean nazioarteko master hauetan parte hartzen duten ikasleak Luganon (Suitzan) elkartuko dira aktibitate hauetako batzuk aurrera eramateko. Bestalde, MU eta TU-Wien artean aktibitate osagarri gehiago izango dituzte, adibidez EIT Manufacturing barruan sortutako “Learning Pills” formazio pildorak jarraitzeko aukera izango dute Skills.move online plataformaren bitartez.

Programa honen egitura Europako beste 7 unibertsitaterekin batera adostu zuten:

1. University College Dublin (UCD), Irlanda
2. Ecole Centrale de Nantes (ECN), Frantzia
3. TU-Darmstadt, Alemania
4. TU-Wien, Austria
5. Scuola universitaria professionale della Svizzera italiana (SUPSI), Suitza
6. Aalto University, Finlandia, Politecnico di Milano (PoliMi), Italia
7. Mondragon Unibertsitatea (MU)

Programa zehatz honetan gaur egun SUPSI, TU-Wien eta MU daude elkarlanean eta lehen urtea MUn edo SUPSIn egiten dute eta bigarren urtean TU-Wienen.

Gonbidatuek eguna EIT Manufacturingeko MONDRAGON korporazioko ordezkaria den Joseba Bilbatuarekin hasi zuten. Berak MONDRAGON korporazioko kooperatiben negozio eredua eta kooperatiben duten pisua aurkeztu zien. Bestalde, unibertsitate eta enpresen arteko lankidetza azpimarratu nahi izan zuten.

Jarraian, Garaia Parke Teknologikora hurbildu ziren, Idurre Albizuren eskutik. Anboto gelan egin zen bileran, hainbat eragilek parte hartu zuten, esaterako, Mondragon Goi Eskola Politeknikoa, Saiolan, Ikerlan, Iruña Tecnologías de Automatización, CIN Advanced Systems eta Ekide. Enpresek beraien buruak aurkezteko aukera eduki zuten, enpresaren jarduera azalduz.

Bukatzeko, laborategi eta instalakuntzen bisitak egin ziren eta nazioarteko masterraren xehetasunak eztabaidatu zituzten. Eztabaidan “Teaching and Learnig Factory” kontzeptua atera zuten mahai gainera. Enpresako edo eta Unibertsitateako laborategiak ikasgune birtual bihurtzeko proiektua izango litzateke. Alde batetik, enpresen ezagutza ikasleei hurbiltzeko edo eta unibertsitateko ezagutza enpresetara hurbiltzeko.