GARAIA Parke Teknologikoak BNI Aukera Debagoienaren V. Urteurrena jaso du.

Udalaitz Auditorioan egin den ekitaldian Debagoienako eta Euskadiko beste eremu batzuetako 170 pertsonak hartu dute parte, besteak beste, María Ubarretxena Arrasateko alkateak, Izaro Elorza Oñatiko Udaleko alkateak, Edurne Unamuno Arrasateko Udaleko enplegu zinegotziak, Koldo Azkoitia Debagoienako Garapen Agentziako zuzendariak eta Jose Antonio Cano BNI Euskadiko zuzendari exekutiboak.

Ekitaldia Maria Ubarretxena Arrasateko alkatearen zorion-hitzekin hasi da. Ondoren, Idurre Albizu Garaia Teknologia Parkeko Negozio Garapeneko arduradunak, Jokin Umerez Ternua Groupeko zuzendariak, Elena Herrarte Debagoieneko koordinatzaileak eta Aritz Otxandiano Fagor taldeko iraunkortasun arduradunak hitzaldi eta hausnarketak egin dituzte.

Ekitaldiari amaiera emateko, Mondragon Unibertsitateko Diseinuko Berrikuntza Zentroko HCD Facility Tool proiektuaren koordinatzaileek dinamika bat jarri dute abian, gonbidatu askoren interakziorako eta BNI Aukera taldeko presidente eta Coinbroker Euskadiko zuzendari Mikel Saizen hitzetarako.

BNI Aukera Debagoiena nazioarteko BNI networking-sareko kide da, eta nazioarteko mailako tokiko lankidetza-sare bat sortzea du helburu. BNI munduko ekimen bat da, eta 292.920 kide baino gehiago ditu 70 herrialdetako 10.805 lantaldetan; 12.6 milioi erreferentzia eta 18 bilioi euro baino gehiago sortu ditu mundu osoko enpresentzat.

Bost urte hauetan, BNI Aukera Debagoiena taldeak 240 bilera egin ditu eta 3,7 milioi euro fakturatu dituzte.