2015ean hasi ziren Bizipoz proiektuaren lehen urratsak. Geroztik, jubilaziotik gertu edo jubilatuta dauden pertsonen milaka bizipenetan lagundu ditugu. Era batean, Garaia Parke Teknologikoa ere ibilbide horretan egon da.

Proiektu txiki batekin hasi zenetik gaur arte, asko aurreratu dugu. Mondragon Unibertsitateko LEINN graduko proiektu gisa hasi zena, Bizipoz gizarte-ekimeneko kooperatiba izan zen azkenean. 2017an, kooperatiba eratu genuen eta ordutik, Saiolanen gaude, Garaia Parke Teknologikoaren barruan dagoen proiektu ekintzaileen inkubagailuan, non 5 urte bete ditugun.

Gizarte-sektoreak bilakaera handia izan du eta Bizipoz behar berri horietara egokitu da. Horregatik, gogoeta egin, eta marka aldaketa bat hasi genuen, urte horietan zehar lortutako esperientzia islatzen duena.

Ildo horretatik, pertsona nagusiei zuzendutako lan-ildo berriak diseinatu eta abiarazi ditugu:

• Jubilaziorako trantsizio programak
• Herri lagunkoiak
• Zahartzaro aktiboa
• Formakuntza
• Zuzendaritza batzordeei laguntza
• Pertsona Nagusien Kontseilua
• Ekintza parte-hartzaileak

7 urte hauetan 1.200 pertsona baino gehiagorengan eragin dugu eta beraien zahartzaroa alaia izan dadin lagundu dugu. Horregatik, gure irudi korporatiboa gotik behera aldatzeko unea zen, eta hori da lortu dugun emaitza.

Gainera, Bizipozen jarduerari buruz gehiago jakin dezakezu gure webgune berrituan: www.bizipoz.org