Ikastaro honekin, Google Geminiren eta NotebookLMren gaitasun aurreratuenetan eta funtzionalitate interesgarrienetan sakonduko duzu, erabiltzaile-mailan. Googleren adimen artifizial sortzaileko tresna nagusiak dira.

Tailerra amaitutakoan, zehatz-mehatz ulertuko duzu adimen artifizialeko tresna sofistikatu hauek nola eralda eta optimiza ditzaketen zure eguneroko zereginak. Ikaskuntza praktikoko eta interaktiboko esperientzia baten bidez, teknologia hauek eraginkortasunez integratzen eta erabiltzen ikasiko duzu, eta berariazko estrategia eta teknikak aurkituko dituzu produktibitatea eta efizientzia nabarmen hobetzeko zure lan-ingurunean; hala, emaitza hobeak lortuko dituzu ahalegin gutxiago eginez.

Helburuak

• Google Geminiren eta NotebookLMren funtzionaltasunak eta onurak ulertzea.
• Tresna hauek eguneroko zereginetan txertatzen ikastea, efizientzia hobetzeko.
• Trebetasun praktikoak garatzea ariketen eta azterketa-kasuen bidez.
• Adimen artifizialaren erabileran jardunbide hobeak norbereganatzea, alderdi etikoak eta pribatutasunekoak kontuan hartuta.

Norentzat

Produktibitatea handitzeko beren lan-fluxuetan adimen artifizialeko tresnak txertatu nahi dituzten hainbat sektoretako profesionalentzat dago diseinatuta ikastaro hau. Egokia da, halaber, Googleren azken berrikuntzetan interesa duten ikasle eta teknologiazaleentzat.

Aurretiazko betekizunak

• Tresna digitalen eta bulegotikako tresnen oinarrizko ezagutza.
• Interesa izatea ingurune profesionaletan adimen artifizialeko teknologiak aplikatzeko.
• Ez da beharrezkoa AAko tresnei buruzko ezagutzarik izatea aurretiaz.
• Googleren kontu bat izatea, pertsonala zein enpresa-kontua.

Egitaraua

Googleren adimen artifizialaren hastapenak

• Googleren AAren bilakaera eta azken aurrerapenak
• Google Geminiren eta NotebookLMren ikuspegi orokorra
• Googleren AAren arloko beste proiektu batzuk

Google Gemini aztertzen

• Geminiren ezaugarri nagusiak
• Ingurune profesionaleko erabilera praktikoak
• Google Gemini Googleren beste tresna batzuekin integratzea

NotebookLMn sakontzen

• NotebookLMren funtzioak eta onurak
• Nola hobetu dezakeen informazioaren kudeaketa NotebookLMk
• Zenbait sektoretako erabilera-kasuak

Jardunbide onenak eta gogoeta etikoak

• Adimen artifizialaren erabilera arduratsua
• Datuen pribatutasunari eta segurtasunari buruzko gogoetak

Praktikak eta bizitza errealeko aplikazioak

• Ezagutzak finkatzeko ariketa praktikoak