I+Grako laguntza programa publikoek aukera ematen dute enpresek egin behar duten ahalegin ekonomikoari partzialki aurre egiteko.
Aitzitik, Administrazio Publikoak gero eta zorrotzagoak
dira, eta programa horiek tresna sofistikatuak dira, gaiari buruzko ezagutza
aditua eskatzen dutenak. Horregatik, batzuetan,
enpresek ez dute lortzen programa horietara aurkeztu ahal izateko egiten
dituzten ahaleginen ordain egokirik. Horrenbestez, EUSTATen
arabera:
- EAEko enpresen %57,0k finantza arazoak
izaten dituzte berrikuntza teknologikoa gauzatzeko.
- Berrikuntza teknologikoa duten
enpresen %26,6k baino ez dute jasotzen finantzaketa publikoa.
Arazo horietaz oharturik, ISEAk bere
Aholkularitza Zerbitzuak aurkezten ditu, I+G+Bko Finantzaketari buruz. Zerbitzu horiek hainbat administrazio
publikoren I+G+Brako laguntzen deialdien kudeaketa lantzen dute:
- EAEko Administrazioak (Doru Aldundiak,
Eusko Jaurlaritza eta SPRI)
- Estatuko Administrazio Orokorra
(Ekonomia eta Enpresa Ministerioa, Zientzia, Berrikuntza eta Unibertsitateen
Ministerioa, CDTI, etab.)
Gure lankidetza ereduak bereizten
gaitu, kontuan hartuta lankidetzak laguntzak kudeatzeko ziklo osoa hartzen
duela:
- Deialdien jarraipena eta aukeren
prospekzioa.
- Deialdirik egokiena aukeratzea eta
eskariaren memoria idaztea.
- Eskaria telematikoki aurkezteko laguntza.
- Proiektuen justifikazio
tekniko-ekonomikorako laguntza.
Modu osagarrian, ISEAk ikerketarako
partzuergoak artikulatzen laguntzen du, arlo teknologikoetan merkatuari
buruzkoetan behar osagarriak dituzten enpresak bilatuz, edo proiekturako
hornitzaile teknologikoak gehituz (Zentro Teknologikoak, Unibertsitateak,
enpresak, etab.).
Gure lankidetza ereduaren oinarrian
dago arrakasta gure bezeroekin partekatzea, izan ere, gure gain hartzen dugu
gure lanak konpentsaziorik ez izateko arriskua, eskariak ez badu eskatutako
laguntza lortzen.
Gure gaitasunak instituzioen
ziurtagiria dauka:
- ISEA
Zientzia, Teknologia eta Berrikuntzaren Euskal Sarean integratutako Eragile
Zientifiko Teknologiko bat da, Eskaintza/Eskaera Bitartekaritzako Eragilearen
kategorian.
- ISEA
Ekonomia, Industria eta Lehiakortasun Ministerioko Berrikuntza Teknologikoa
Babesteko Zentro Teknologikoen eta Zentro Laguntzaileen Erregistroan
inskribatuta dago.
- ISEA Onura
Publikoko erakunde moduan aitortuta dago, 2008ko azaroaren 26an, Eusko
Jaurlaritzako Justizia, Enplegu eta Gizarte Segurantzako Sailaren eskutik.
ISEAk jakinarazi nahi du gure ezagutza eta esperientzia partekatzeko prest gaudela, I+G+Baren finantzaketaren esparruan zuen enpresaren emaitzak optimizatzeko helburuarekin, 2018an 72 enpresarekin egin duen bezala.